Fjallaskálinn í Hólaskógi hefur lengi verið mjög vinsæll fyrir hópa en skálinn liggur vel við ýmsum ferðaleiðum.
Hægt er að taka skálann allan á leigu og svo geta hópar einnig bókað aðra hæðina fyrir sig.
Skálinn tekur alls 44 í gistingu
Á neðri hæð eru þrjú svefnrými með kojum fyrir svefnpokagistingu. Hvert herbergi er með fjórar einstaklingskojur og tvær tvíbreiðar. Hæðin tekur allt að 24 manns í gistingu.
Á efri hæðinni eru tvö svefnrými, sem stúkuð eru niður í þrjár einingar. Í hvoru svefnrými er pláss fyrir 40 manns með sex einbreiðar kojur og tvær tvíbreiðar. Alls komast þannig allt að 20 manns á hæðinni.
Á neðri hæð er rúmgóð setustofa og matsalur. Þar er fullbúið eldhús með ofni, uppþvottavél, ísskáp, helluborði og borðbúnaði. Á neðri hæðinni eru tvær sturtur sem eru sameiginlegar með öllu húsinu og tvö salerni.
Á efri hæðinni er setustofa, matsalur, fullbúið eldhús með ofni, uppþvottavél, ísskáp, helluborði og borðbúnaði. Eitt salerni er á efri hæð. Á efri hæð er hægt að ganga útá svalir úr svefnrýmunum.
Ef hópar sem gista Hólaskóg eru fjölmennari en skálinn rúmar er velkomið að nýta grasflötina við skálann fyrir tjaldvagna/fellihýsi eða leggja húsbílum fyrir utan.
Þeir sem gista á flötinni utanhúss deila salernis- og eldhúsaðstöðunni í skálanum með hópnum sem þeir eru í samfloti með. Þjónustugjald er 3400 fyrir hvert tjald/tjaldvagn/fellihýsi/húsbíl.
Vinsamlegast hafið samband í gegnum tölvupóst [email protected]s
Á hvorri hæð er glæsileg aðstaða er fyrir hópa. Rúmgóð setustofa, matsalur, fullbúið eldhús með ofni, uppþvottavél, ísskáp, helluborði og borðbúnaði. Þannig geta tveir hópar ferðalanga verið í húsinu.
